كشف السر

بعد لما ابوهم مات والدكتور قال انه مات طبيعي الكفن كشف السر
وقبل ما نبدأ حكايتنا اعرفكم على بطلتنا اسمها سحر عندها 30 سنة متجوزة وعايشة بعيد عن بيت ابوها وفي يوم اخوها حسن اتصل بيها وقال لها
تعالي ياسحر دلوقتي عشان ابوكي مات تعالي عشان تودعيه لاخر مره
انهارت سحر وفضلت تسرخ وتقوله
ابوك مااات ياحسن مات ازاااي انا لسه كنت مكلماه امبارح وكان كويس خالص
حسن
مش عارف ياسحر احنا صحينا النهاردة الصبح وجينا نصحيه لاقيناه ميت مش عارفين ايه اللي حصله
و بعدها بشوية راحت لهم سحر وقالت لهم
ابوكم مات ازاى انا كنت مكلماه امبارح وكان كويس خالص حد زعلة ياحسن ولا ايه
حسن
محدش عمله حاجة يا سحر ابوكي امبارح باللي كان بيشتكي من الصداع وانا واخواتك كل واحد فينا طلع شقتة وبعدها الصبح جينا نصحيه لاقيناه راح احنا ذنبنا ايه ياسحر
سحر
طيب والدكتور اللي كشف عليه قال لكم ايه قال هو ايه اللي خلاه يموت ماهو اكيد في سبب
رد اخوها فوزي وقال لها
الدكتور قال لنا انه مات موته طبيعيه انتي عارفه ان ابوكي كان معدي الستين سنة يعني الموتة طبيعيه هو كتب في التقرير هبوط في الدورة الدموية
سحر
ياحبيبي يا بابا ده كان كويس ده كان عايز يتجوز يافوزي هو ماقالش لحد فيكم انه عايز يتجوز ده كان بيقولي اشوف له عروسة
راح اخوها التالت وليد معيط وقال لها
الله يرحمة ياسحر هو مكنش بيحب الدكاترة دي كانت صحتة زي الفل مش عارفين ايه اللي جرا له فجأه كده
حسن
خلاص بقا ياولاد الله يرحمة ويحسن إليه يلا بينا يافوزي نروح نشوف الراجل اللي هيغسل ابوك ونجيبه معانا عشان نلحق ندفنة قبل الدنيا ما تليل عشان ابوكم

مكانش بيحب الضلمة ياولاد
فوزي قاله
لا ياحسن احنا اللي هنغسل ابونا مش هنجيب حد غريب يغسلة احنا مش صغيرين عشان نجيب حد يغسلة
وليد
ايوه صح ياحسن كلام فوزي صح احنا ولاده تغسله ومنخليش حد غريب يدخل على ابونا يلا بينا
و خلو التلاتة وجابو الكفن وخلصو لابوهم الغسل والتكفين وخرجو بيه من جوه وسحر قالت
انا عايزة ابوسه ياحسن خليني اشوفه لاخر مره والنبي
حسن
خلاص بقا ياسحر ابوكي الله يرحمة هو دلوقتي في دار الحق ادعي له ياحبيبتي ادعي له يلا بينا يا فوزي شيل معايا
وشالوه حسن وفوزي ووليد وجوز اختهم ومشيو على المقابر وواحده من الجيران قالت لهم
لا حول ولا قوة الا بالله الله يرحمك يا ابو حسن كان راجل طيب وملوش صوت مع حد خالص محدش كان بيسمع صوتة
واحده تانية قالت لها
بس غريبة انه يموت كده مره واحده ده الراجل كانت صحته زي الفل انا ماقبلاه امبارح وكان مسلم عليا وهو كويس
الجارة
والله يا ام مصطفى ومين سمعك ياختي بس الدكتور بيقول جاله هبوط في الدورة الدمويه يمكن عشان السن وكده ماهو برضو كان عنده يجي ستنين سنه يعني كان رجله والقبر
ام مصطفى
بس الحاج ابو حسن كان دايما بيضحك ومكنش بيبان عليه سن ولا كان يحب يروح لدكاترة ولا مستشفى ولا حاجة احنا عارفينة من زمان
الجارة
يلا بقا الله يرحمة ميتعزش على اللي خالقه ياحبيبتي الله يصبرك يا سحر دي هتموت روحها عشانة
ام مصطفى
ماهي كانت البنت الوحيدة بقا يا يا ام محمد عشان كده كانت متعلقه بيه يلا ربنا يرحمة ويغفر له يارب
والناس كلها راحت معاه على المقابر وهناك التربي قال لهم
فين تصريح الدفن ياجماعه انا لازم اشوفة
حسن
اتفضل ياحج تصريح الدفن اهو يلا بقا خلينا نكرم ابونا
وشاله التربي
معاهم وهما بينزلو القبر ولازم وجود دم نازل من الكفن وقال
هو ابوكم مات ازاى يابني
فوزي
ماهو تصريح الدفن معاك اهو ياعم الحج والدكتور كاتب ان الوفاه طبيعيه قدامك اهو ولا انت عايز ايه تاني بقا
بص لهم التربي بشك وقالهم
لا لا خلآص مفيش حاجة يلا نحط عشان نقفل التربه كويس
وفعلا خلصو دفن الجثة والكل مشي والتربي قال لمراته
مش عارف يابت يا سعدية انا مش مرتاح للجدعان اللي جم ودفنو ابوهم من شوية دول وحاسس انه في حاجة مش طبيعيه انا متهيالي كده اني لمحت دم نازل من الكفن
سعدية
بخضة ياحوستي يا جابر انت بتقول دم يعني الراجل اللي اتدفن ده مماتش موتة ربه يكونش ياخويا حد عمل فيه حاجة
جابر
ماهو ده اللي مخليني شاكك يا سعدية عشان كده انا هفتح التربة على الراجل ده واشوف الجثة بتاعته دي فيها
سعدية
مابلاش ياجابر احنا مش خالصين منهم من غير ما نقرب منهم فما بالك بقا لو فتحت عليه وهو لسه مدفون وبعدين هو دلوقتي بيسأل ياخويا
جابر
ما هو انا لو مفتحتش على الراجل ده النهاردة انا هفضل حاسس بالذنب من ناحيتة وخصوصا لو هو فعلا ميت مقتول سبيني يا سعدية ادخل القبر واشوف الجثة فيها ايه يمكن نلحق نعمله حاجة
وفعلا اخد الكشاف بتاعه الكبير ونزل القبر بتاع ابو حسن وفتحة ودخل على الجثة وفتح الكفن واتصدم لما شاف المنظر وطلع يجري على سعدية وقال لها
الحقي يا سعدية الحقي يادي المصيبة السودة مش انا قولت لك ان في حاجة والراجل اللي مدفون ده مش ميت طبيعي انا كان قلبي حاسس
سعدية بخضة
ليه يا جابر انت شوفت ايه ياخويا قولي
جابر
عندك حق يا سعدية انا رايح القسم ابلغ وعلى الله الحكومة تتصرف وتعرف تعمل حاجة للراجل ده
وفعلا راح جابر القسم وقال للظابط
انا جاي ابلغ في جريمة قتل يا باشا
الظابط
انت مين يا راجل انتي وجريمة قتل ايه دي اللي انت جاي تبلغ عنها
جابر
اسمي جابر ياباشا وبشتغل لامؤاخذة تربي في المقابر وبدفن الميتين وجاي ابلغ عن واحد اهله جم دفنوه النهاردة والراجل ده اتقتل ياباشا مش مات موته طبيعيه
الظابط
يعني ايه اتقتل ومامتش موتة طبيعيه فهمني براحة وازاي اصلا اتدفن وهو مقتول
جابر
انا حكي لك ياباشا النهاردة الضهر في ناس جم عشان يدفنو ابوهم وانا شوفت تصريح الدفن قبل ما دفن الجثة والتصريح كان بيقول ان الراجل مات بهبوط في الدورة الدموية بس وانا بنزل الجثمان في القبر شوفت حاجة غريبة وهي اللي خلتني أشك
الظابط
حاجة غريبة ازاى يعني قول شوفت ايه
جابر
انا شوفت وانا بحط الكفن يابيه ان الراجل اصلا اللي بيموت موتة طبيعيه ده يا بيه عشان كده قولت اجي ابلغ
الظابط
انت متأكد من اللي انت بتقوله ده يا راجل انت عشان لو اللي انت بتقول عليه ده طلع مش صحيح انت هتتسأل ومش بعيد تتحبس
جابر
يابيه انا عارف انا بقول لحضرتك ايه بالظبط
وفي البيت عند حسن وفوزي ووليد وسحر معاهم حسن قالهم
دلوقتي البيت ده زي ما انتو عارفين فيه ست شقق وكل واحد فينا
ليه شقه وباقي الشقق بتاعت ابونا يبقا هنقسم الورث بينا بالحق وعلى حسب الشرع ماشي
سحر
انت بتقول ايه ياحسن ده ابوكم لسه مبقالوش كام ساعه مدفون وانت جاي تتكلم في ورث ومش عارف ايه طيب انا مش عايزه حاجة يا حسن
حسن
ازاى الكلام ده ياسحر انتي ليكي حق ولازم تاخديه وبعدين كل واحد وليه حق يبقا ياخده واحنا مش هنيجي عليكي ابدا
سحر
انا ان كان عليا عايزة
بابا مش