اسكريبت حصرياً كامل بقلم الكاتبة المبدعة رحمة فايز
خرجت من اوضتي علي صوت زغاريط عاليه وماما داخله وبتقفل باب الشقه.
ايه الدوشه دي يا بطاطا
ده عادل ابن عمك هيخطب
قالتهالي ودخلت علي المطبخ وسابتني الابتسامه اترسمت علي وشي من الودن للودن زي مابنقول يااااه أخيرا خد خطوه وكلم الجماعه عادل هيخطبني بجد جريت علي اوضتي اكلمه لان البيه زعلان مني ومټخانقين ومقاطعني بقاله شهر
هوووف هو مبيردش ليه بس
يلا مش مهم المهم دلوقتي انه جاي هصالحه اكيد اول ماييجي
عدي اليوم من غير اي جديد عادل مش بيرد علي مكالماتي ولا رسايلي وده قلقني وحتي بابا وماما محدش فيهم فاتحني في الموضوع تاني يوم لاقيت ماما بتصحيني علشان اجهز
يلا يارنوش قومي صحصحي وجهزي نفسك اناا هسبقك عند مرات عمك خلصي وحصليني
اشمعنا ياماما وبعدين انا نايمه متأخر
عشان هنجهز الحاجه الي هنروح بيها للعروسه
عروسه مين وحاجه اي دي
عروسه عادل ياقلبي والحاجه شيكولاتات وحلويات والذي منه اصل احنا الحريم هنروح الاول نشوف البنت ومامتها وكده وعادل والرجاله هيروحوا اول ماناخد الموافقه
مكنتش سامعه حاجه ولا فاهمه حاجه عقلي وقف لا جسمي كله اټشل في لحظتها وقت ماسمعت عروسه عادل يعني ايه عروسته قصدها واحده غيري سابني ورايح يخطب غيري كان بيعشمني ويحببني فيه عشان يروح
اهلا يارنا عامله ايه ياحبيبتي
الحمدلله ياطنط الف مبروك لعادل
الله يبارك فيكي ياحبيبتي عقباال ليلتك انتي الفرحه الكبيره يارنوش
ربنا يخليكي هو عادل هنا كنت عايزه اباركله
لا دا فوق ع السطح
طيب هطلع اباركله وانزل علي طول
ماشي ياحبيبتي وندي فوق كمان هاتيها وانتي نازله احسن دي مابتصدق تشوف اخوها وتلزق فيه
حاضر ياطنط عن اذنك
كل خطوة بطلعها بحسها بتنغرز فيا هو هيقولي الحقيقه هيفهمني دلوقتي اكيد ان ده مقلب اول ماوصلت السطح كانت ندي أخته واقفه بتزعق معاه بتزعقله علشان سابني وراح لغيري هي الوحيده ال تعرف اننا بنحب بعض هي الوحيده ال تعرف كل حاجه عننا اقرب حد ليا بعد منه
ندي طنط عايزاكي اسبقيني وانا هبارك لعادل واحصلك
يارنا...
اسبقيني ياندي وهحصلك
مبروك
الله يبارك فيكي عقبالك
ده بجد انت شايف انه عقبالي وان الموضوع بسيط كده
عايزه ايه يارنا
عايزه افهم وبلاش البرود ده يعني ايه رايح تخطب واحده تانيه عرفتها امتا اساسا دا يادوبك هو شهر ال بعدنا فيه لحقت تنساني وتتعرف علي غيري وتحبها لدرجه تروح تخطب ماترد
كنت بتكلم بعصبيه وصوتي علي في اخر الكلام ڠصب عني مش
صوتك يوطي وميعلاش انا هعديهالك المره دي بس علشان الظروف واه يارنا لحقت اعرف واخطب ف شهر
ليه عشان اتخانقنا ولا علشان عايزه اشتغل بعد الكليه تروح
لواحده تانيه وتسيبني فيها ايه زياده
كل حاجه يارنا دي واحده اول ماحاولت اكلمها وقفتلي وقالت رقم بابا اهوا عايز تتكلم يبقي الكلام معاه لا ليها في كلام الفون ولا المقابلات وشغل الصحوبيه واحده عارفه ال ليها وال عليها مبتروحش في اي مكان غير كليتها وبيتها لا نزول مع صحاب ولا تنطيط ولا شغل ولا كل الهري ده
كنت بسمعه وانا مصدومه دلوقت بقيت وحشه هي احسن مني اوي كده بس لا كله الا كرامتي عمري مااسمح لاي انسان يتعدي عليها
انت احقر بني ادم شوفته في حياتي انا اما كلمتك دا لانك ابن عمي يعني انا عرضك وشرفك كان من باب اولي
تبعد انت عني انت ال قربت ياعادل وفضلت ورايا في الطالعه والنازله تقولي بحبك انت ال علقتني بيك بس معاك حق مكنش ينفع ارخص نفسي
سيبته قبل مايرد ونزلت دخلت اوضتي وفتحت في العياط بيعايرني اني كلمته عارفه اني غلطانه بس دا ابن عمي انا مليش اخواات وهو كان كل حاجه ليا لحد مااعترفلي بحبه وبعدت وقتها وهو ال فضل
الخطوبه تمت علي خير وحضرتها وندي الصراحه مش سابتني واتخرجت وبقيت بشمهندسه قد الدنيا ونزلت تدريب كمان في شركه مرموقه وتناسيت عادل وتناسيت كل الفتره ال فاتت كلها
ماما اناا جيت وواقعه جوع
معملتش اكل يارنا اطلبي اي حاجه كليها
مالك ياحبيبتي مش عوايدك يعني
عادل ابن عمك فسخ خطوبته طلع كل ال كان ظاهرله ياعيني وهم ودور البت رسماه عليه مرات عمك مقهوره عليه دا كان هيتجوزوا كمان شهر
لا حول ولا قوه الا بالله خير ياماما ربنا يرزقه بالاحسن منها اناا هدخل اخد. دش واغير واجهز الغدا يكون بابا جه روقي كده يا بطاطا
ماشي ياحبيبتي كل حاجه جاهزه عندك اساسا اناا كنت هعمل واماا مرات عمك كلمتني سيبت الحاجه ونزلت وطلعت مليش نفس اعمل حاجه
ولا يهمك ياقمر
اتغديت اناا وماما وبابا في جو اسري لطيف الحقيقه اني عندي احسن عيله ف الدنيا كلها رزقي كله في بابا وماما الصراحه
رنا المدير عايزك
عايزني انا خير
معرفشي هو طلبك بالاسم روحيله
ربنا يستر دا اناا لسه متعينتش ياولااد معقول هيرفدني قبل مايمضي قرار
