انا متزوجة من سعودي

انا متزوجة من سعودي
ابن اصول
و انا الزوجه الوحيدة و الاولي ليه طبعا اهالينا كانوا رافضين و وافقوا بالعافية و ابويا عشان يضمنه كتب قايمة منقولات بقيمة ٢٥٠ الف جنيه و وصل أمانة بقيمة

١٠٠ الف جنيه و قاله امضي عليهم ده المهر
فهو قال لوالدي ادفع الحاجات دي لو طلقتها صح
والدي قاله صح فقال لوالدي سيبهم معايا لبكرة
احنا اعتقدنا انه هيسأل محامي او حد فيهم بس لاقيناه تاني يوم جابهم و هو محول كل الارقام في القايمة من الجنيه للريال و وصل الأمانة كتبه ٣ كل واحد ب ١٠٠ الف و قال لوالدي انا تعبت عشان اخدها و مش هفرط فيها
بعد ١٠ سنين زواج اتصل بيا والدي و قاللي ان القايمة بتاعتي ضاعت و كان متضايق جدااا عشان ضيعها و جوزي عرف بعدها بكام يوم لاقيت زوجي أرسله قايمة جديدة بالبريد السريع و معدل قيمتها لمليون ريال سعودي و كاتب فيها انا لسه عند وعدي. .