تزوج عليها في السر
جوزي اتجوز عليا في السر ولما عرفت عملت فيه
وقبل ما نبدأ حكايتنا اعرفكم علي نفسي انا اسمي ندي وعندي 30 سنه متجوزه ومعايا بنت ولد توأم عندهم 8سنين وجوزي موظف في شركه كبيره ومرتبه كويس واهله مرتاحين ماديا وقبل ما يتجوزني فتحوله سوبر ماركت كبير كمان بجانب شغله في الشركه
وفي يوم كنت بنيم ولادي في اوضتهم وابني قالي
انس
ماما انتي تعرفي طنط مايا ولا لا
ندي
مين طنط مايا دي يا حبيبي وتعرفها منين دي مامت حد من صحابك في المدرسه يعني
رد عليا وقالي
لا يا ماما دي صاحبة بابا اللي بيكلمها في الفون وهو واقف في البلكونه وكان بيقولها انه هياخدها ويتعشو بره هو احنا هنروح معاهم صح
ندي بدموع
ايوه يا حبيبي ان شاء الله كلنا هنروح مع بعض نام يلا وكفايه كلام عشان اختك ما تصحااش هي كمان
وسمع ابني كلامي ونام وانا طلعت قعدت جنب حسام جوزي اللي كان ماسك موبيله وسرحان فيه وقولتله
ندي
ايه رئيك يا حبيبي ادخل اعملنا فشار ونقضي السهره سوا ومع بعض النهارده ونجيب فيلم حلو نتفرج عليه
حسام
ايه يا ندي الجو القديم ده وبعدين انا مش فاضي انا عندي دلوقتي معاد مهم
ندي
دلوقتي يا حبيبي ده الساعه عشره ازاي يعني ومعاد ايه ده
حسام
شغل يا ندي هو انتي يعني لازم تسألي وتستفسري اوووي تعالي بس طلعيلي هدوم لحد ما اخد شاور
ودخل اوضته وانا قومت وروحت طلعتله هدوم وكمان ساعدته يلبس زي ما بعمل معاه كل يوم واول ما نزل لبست هدومي بسرعه وحتي نسيت البس الجزمه ونزلت لالشبشب عشان الحقه وفعلا لحقته واخدت تاكسي وفضلت ماشيه وراه لحد ما وصلت للمطعم اللي
ندي
يا كسفتك يا ندي نازله بالشبشب بس كويس عشان شكلي هحتاجه دلوقتي اوووي
واخدت بالي ان حسام جوزي قاعد مع بنت حلوه اووي وبيتعشو مع بعض وبيضحكو وقولت بعصبيه
ندي
بقي هو ده المعاد المهم يا حبيبي طيب كنت قولي كنت عملتلك فشار تجيبه معاك مدام ما كنتش عايز تاكله معايا
حسام پخوف
يا نهار اسود ندي ااا انتي بتعملي ايه هنا دلوقتي وايه المنظر الي انتي نازله بيه ده
ردت عليه البنت اللي معاه وقالت
ثواني يا بيبي هي دي ندي مراتك بجد انا مش مصدقه انت ازاي عايش مع البتاعه دي بيئه اووي وكمان ايه الشبشب ده
حسام
نتي ايه اللي بتقوليه ده يا ساره عيب كده وانتي يا ندي تعالي نروح البيت وانا هفهمك كل حاجه والله
ندي
استني بس خليني ارد عليها عايزه تعرفي يا حلوه ايه الشبشب ده من عينيا هرد عليكي وانا بنزله علي دماغك يا خطافة الرجاله
ساره
هي مين دي اللي خطافة رجاله لا فوقي واتكلمي كويس حسام جوزك يبقي جوزي انا كمان مع ان المقارنه بيني وبينك صعبه طبعا في فرق كبير بينا
ندي بدموع
هي بتتكلم جد يا حسان انت اتجوزنها انت متجوز عليا ليه طيب انا قصرت معاك في ايه ده انا اللي خريجة كلية الطب قبلت اقعد في البيت من غير شغل عشانك وعشان اربي ولادنا ما جيتش يوم وقولتلك اني تعبانه ولا زهاقنه ولا طلبت حاجه منك فوق طاقتك
كانت ساره بتبصلي بشماته وقالي
لو سمحتي يا ندي لينا بيت نتكلم فيه وانتي يا ساره روحي وانا بكره هجيلك يا حبيبتي
ندي
بتقولها حبيبتك بقيت بتحب غيري يا حسام اخص عليك
بجد يا قليل الاصل
حسام پحده
اسكتي بقي
ده وليه مكبره
الموضوع
واخدني ورجعنا البيت وهناك فضل يزعق وكان متعصب جدا وقالي
حسام
زعلاااااانه ليه ما كله بسببك هو انتي يعني كنتي مليتي عيني وانا روحت بصيت بره ما انتي اللي مقصره معايا زعندك الولاد والبيت اهم مني
ندي بحزن
اممم بأمارة اني حتي الجزمه بساعدك وانت بتلبسها ولو علي قعدتي في البيت ما هو بسببك انت انت اللي كنت مقفلها عليا حتي الطلبات من السوبر ماركت كنت بتمنعني انزل اجيبها انت اللي خليتني مش عارفه ابقي زي اللي كنت معاها
حسام
من الاخر يا ندي ساره مراتي وزيها زيك واوعي عقلك يوزك وتطلبي تطلقي عشان انا ولادي مش هيتربو بعيد عني
ندي بحزن
انا ليا اهل ابقي يا حبيبي اتكلم معاهم وعشان الولاد ما يتخضوش انا مش هسيب البيت دلوقتي بس قسما عظما ما في اوضه هتجعني بيك تاني يا ابو عيون زايغه يا خاېن
قولت كلامي ودخلت اوضة ولاي وفضلت اعيط والصبح كلمت خالي وقولتله كل حاجه بالمناسبه انا اهلي الله يرحمهم من زمان وماليش اخوات وماليش حد اصلا بعد ربنا غير خالي كمال اللي جه فعلا وجات ام حسام ولنا عرفت اللي حصل قالت
ناديه
ليه يا ابني كده تتجوز في السر يا حسام ليه عملت كده
حسام
والله انا راجل مقتدر وانا حر اتجوز واحده اتنين اربعه مدام قادر اعمل كده ومش هقصر في حاجه يبقي براحتي والجواز مش حرام
ندي
انك تكدب عليا هو ده اللي حرام انك تضيعلي حياتي وانا بهتم بيك ومش بقصر في حاجه هو ده اللي حرام تقدر تقولي انا هقول لولادك لما يسألوني انا ليه سيبتك هقولهم انا سيبتك عشان انت راجل كدااب وخاېن
حسام بعصبيه
احترمي
كمال
وانت بقي يا بيه يا محترم مدام عايز مراتك وولادك ليه سيبتهم واتجوزت عليها ولا انت فاكر انها مالهاش اهل يجيبولها حقها وهتطلقها ڠصب عنك
ناديه
الكلام بالعقل يا استاذ كمال دول بينهم عيال والطلاق مش حل دلوقتي وبعدين احنا الكبار يعني العيال تبعزق واحنا نلم اومال ايه رسالتنا في الدنيا مش نراعي ربنا فيهم ونخليهم مرتاحين
ندي
انت عايزني يا حسام عشان ولادك تمام انا مش هطلق ومش هسيب البيت وهخليك تشوف ولادك وتصرف عليهم بس مش هتبات هنا تاني ولا يوم ولما تيجي تقعد مع ولادك انا همشي اروح لخالي او لماما ناديه واعمل حسابك برضو تجيب ليا شغاله عشان تخلي بالها من الولاد وتساعدني في شغل البيت
حسام
يعني ايه الكلام ده يا ندي انتي هتتحكمي فيا في بيتي
ناديه
ما خلاص بقي يا ولد انت احنا موافين يا ندي بس ولادكم يتربو بينكم وهو مش هيقصر في حاجه مدام بيقول انه قادر يفتح بيتين يبقي قد كلامه
وڠصب عنه سمع الكلام اللي انا عايزااه واخد هدومه وحاجته ومشي راح بيته التاني اللي انا لسه عارفه عنه كنت مكتئبه بصراحه وفكرة ان جوزي حب حياتي اللي كنت مستعده ابيع الدنيا عشانه خاني ودلوقتي مع ست غيري كانت بتوجعني اووي
وجات عندي اميره اخته واللي صاحبتي اصلا وبتحبني جدا وقالتلي
اميره
بقي ده منظر ما حقه الراجل يطفش ويروح يتجوز اللي حاطه في وشه بتاع تلاته
اربعه كيلو مكياج
ندي
خليه يشبع بيها انا خلاص مش هعيش غير عشان ولادي وبس
بعينيا ولا عمري اشتكيت واخرتها
راح اتجوز
