تزوج عليها في السر

عليا هو خلاص خلي كل حاجه في عينيا سودا
اميره 
عبيطه انتي دكتوره شاطره ليه قعدتي في البيت وبطلتي شغل ما طلبتيش ليه من زمان يجيبلك ناني لولاد وانتي تروحي شغلك وتشوفي نفسك وتبقي عارفه الدنيا رايحه فين وجايه منين
ندي 
ما انت كنت بقول العيال صغيرين وما كانش هاين عليا اسيبهم لوحدهم وما هانش عليا اطلب من اخوكي حاجه انا قادره اعملها وقولت مش مهم حسام والولاد راحتهم بالدنيا
اميره 
واهو حسام شاف نفسه بعيد عنك وجايب العيب فيكي وولادك كبرو وماما فاضيه تيجي تقعد معاهم لو انتي نزلتي شغل انتي مش بس صحبتي ولا ومرات اخويا انا بعتربك اختي وعايزه مصلحتك ارجعي لشغلك واهتمي بنفسك والاسم اهو متجوزه وضل راجل ولا ضل حيطه
ندي 
حاضر يا اميره انا فعلا لازم اهتم بنفسي ومستقبلي واللي عملو فيا اخوكي وانه ډفني بالحيا انا هرميه ورا ضهري وهبدأ من جديد
وعدي شهر بالظبط وحسام كان بيجي كل اسبوع يشوف ولاده ويهتم بيهم وانا كنت مش بخليه يشوفني خالص لحد ما في يوم جه من غير معاد ودخل البيت كنت انا لسه راجعه من شغلي ولما شافني قال
حسام 
الله الله ايه اللي انتي عملاه في نفسك ده وكنتي فين يا هانم 
ندي 
ايه اللي انا عملاه في نفسي عشان يعني بقيت باللبس لبس حلو ولا عشان بقيت بحط شوية ميكأب فيها ايه ما انا لسه صغيره ومن حقي اعمل كده واكتر وراجعه منين بقي راجعه من شغلي اصل انا نسيت اقولك ان انا رجعت شغلي في المستشفي تاني وبقيت بطور من نفسي كمان
حسام بعصبيه 
وانا ايييه في حياتك مش انا جوزك ومن حقي اعرف خبر زي ده ولا انتي خلاص ما بقاش حد عارف يلمك
ندي 
احترم نفسك واتكلم معايا كويس انا شغاله دكتوره مش سكرتيره زي حبيبت قلبك التانيه وكمان شغلي ده حاجه تخصني وما تنساش بقي اننا في حكم المنفصلين يعني انت مالكش كلام عليا ده لو عايزني افضل علي زمتك وقاعده في بيتك يبقي تخليك في حالك
حسام 
ماشي يا ندي اعملي اللي انتي عايزاااه بس يكون عندي علم بعد كده بكل حاجه بتعمليها عشان ما نختلفش يعني مع بعض
ندي 
ان شاء الله وياريت بعد كده لما تيجي تديني خبر قبلها عشان انا مش عايزه اشوفك بصراحه خليك قاعد دلوقتي مع ولادك وانا هقعد جوه لحد انت ما تمشي بعد اذنك
وسيبته ودخلت وسمعته بيقول من ورايا 
بس احلويتي اوووي في بعدي عنك يا ام انس
عملت نفسي ما سمعتوش ودخلت اوضتي وقعدت فيها لحد ما هو مشي وبالليل كنت نايمه جنب ولادي وموبيلي رن وكان حسام جوزي 
طلعت بره الاوضه ورديت عليه 
ايوه يا حسام بتتكلم في وقت زي ده ليه 
حسام 
هو انتي ليه مصممه تنسي انك لسه مراتي يعني اكلمك وقت ما انا عايز وبعدين بطمن علي الولاد 
ندي
الولاد كويسين ونامو انت عايز حاجه لا طيب كويس تصبح علي خير 
حسام
في ايه يا ندي انتي ليه بتعامليني كده وبعدين انا عايز المايه ترجع لمجاريها بصراحه عشان الولاد اشتكولي النهارده انهم مدايقين اني بغيب كتير عن البيت 
ندي
ارجع يا حسام واقعد في البيت وقت ما انت عايز بس انسي انك تطول مني شعره واحده واظن دي حاجه مش هتفرق معاك لانك اهو بتقول انك
عايز ترجع عشان ولادك وبس 
حسام
امم طبعا اومال يعني هيكون عشان ايه تصبحي علي خير 
ما اهتمتش بكلامه وكان كل اللي شاغلني اني انام عشان اصحي
اروح الشغل بتاعي وانا فايقه وتاني

يوم الصبح جهزت ولادي عشان يروحو المدرست وكانت الشغاله جهزت الفطار وقعدنا نفطر والباب خبط ولما فتحت دخل حسام وقال 
حسام
ايه رئيكم في المفجأه دي انا جاي افطر معاكن وكمان هوصلكم للمدرسه 
ولادي فرحو وهو قعد ياكل معانا بس انا قومت وقولت 
ندي
طيب كويس عشان انا مستعجله ولازم امشي خلي بالك من الولاد بقي 
حسام
استني يا ندي هنوصل الولاد سوا وهاخدك معايا في طريقي انا عايز اتكلم معاكي شويه بقالنا كتير ما اتكلمناااش مع بعض 
ندي
واحنا ما بقاش بينا كلام يا حسام وانت لو عايز حاجه مني عندك موبيلك كلمني وتكون حاجه تخص الولاد وبس وياريت بلاش الاهتمام الزياده ده عشان مدام ساره ما تزعلش منك انا مش عايزه تحصل مشاكل بينكم 
حسام بغيظ
امم لا اطمني ما فيش مشاكل هتحصل اتفضلي علي شغلك لتتأحري يا اختي وانا هبقي ارجع اخد الولاد وانا مروح 
ندي 
اللي يريحك اعمله مع السلامه وخلي بالك منهم
ومشيت روحت الشغل بتاعي وهو فعلا وصل الولاد المدرسه وبقي كل يوم يعمل كده لحد ما في يوم جات عندي ساره مراته 
طلعت من اوضتي وانا لابسه بجامه واسعه شويه وشكلي كان حلو وقولتلها 
ندي
نعم يا مدام ساره الشغاله بتقولي انك عايزاني 
ساره
انتي عايزه ايه ما انتي بتشتغلي وبقي معاكي فلوس وكنا بنبعتلك مبلغ كل شهر يساعدك شويه لازمتها ايه الحركات اللي انتي بتعمليها علي جوزي دي 
ندي 
جوزك ده اللي هو جوزي انا كمان مش كده وبعدين اللي باخده من جوزي ده حقي وحق ولادي انا برضو لسن مراته 
ساره
يا بااارده ما بيحبكيش وخانك واتجوز عليكي ليه لسه قااعده علي زمته ما تسبينا في حالنا واهو تبقي عندك كرامه 
ندي 
ياااريت لو تعرفي تقنعيه يطلقني اعملي كده اصله مش راضي وكل يوم بيجي هنا وبيتمني بس اشاره مني وانا اقول ابدا والناس الغبيه فاكره ان انا اللي رافضه اخليه يطلقني مع انه ما بقاش يفرقلي لا هو ولا اللي معاه 
وقفت ساره وقالت
وانا اللي كنت فاكراكي غلبااانه اول مره شوفتك فيها بس طلعتي حرباايه مش ساهله بس حسام جوزي انا وبس وانسي انه ممكن يسيبني او يرجعلك 
ندي 
خلاص خلاص ما تخافيش اشبعي بيه ووعد مني ليكي اني هكلمه تاني عشان يطلقني اصله ما بقاش يلزمني ولا يهمني ونفسي بجد يبعد عني خالص بس طبعا ڠصب عنك وعنه حقي وحق ولادي هاخده 
ساره 
هنشوف الايام بينا يا ندي وان ما خليت حسام حتي حقطم ده ما يعترفش بيه ما ابقااش انا 
مشيت هي وطلع انس ابني وبنتي تيا وقال وهو خاېف 
انس
ماما هي الوليه دي كانت بتزعق فيكي كده ليه وهي هتاخد بابا مننا 
تيا پبكاء
انا خاېفه منها يا ماما دي شريره 
حضنت ولادي وقولتلهم
لا لا لا ازتي تخافو يا حبايب قلبي وماما موجوده وبعدين بابا بيحبكم اووي ومهما عمل هو مستحيل يسيبكم عشان حد تعالو بقي نجهز الغدا مع بعض 
انس
ماشي يا ماما بس تعمليلي سلطة تونه انا بحبها 
ندي 
من عينيا يا حبيبي بس اسمعو اوعو حد يقول لبابا علي حاجه من اللي حصل عشان ما يزعلش 
وفعلا ما كانش الموضوع شاغلني اوووي حسيت ان ما بقاش يهمني حسام وبيته ومراته مدام قادره اعتمد علي نفسي من غيره وبعد كام يوم جات عندي اميره اخته وقعدنا مع بعض وقالتلي 
اميره
هو انا ما قولتلكيش اللي
حصل مش حسام اټخانق مع ساااره خناااقه كبيره وكمان هي سابت البيت وزعلت عند بيت اهلها 
ندي
ليه كده كفا الله الشړ ليكون اخوكي شافله شوفه تالته ما
خلاص هو فاكر نفسه الحج

متولي 
ضحكت اميره وقالت
ههههههه لا وحياتك ده