محمد وعائشة بقلم ايمان شلبي
نشوف وشك
محمد بعصبيه اكبر
مش همشي من هنا غير لما اعرف انا عملت ايه
بابا
عملت ايه انت بتستهبل ولا ايه
محمد وهو بيهبد علي الحيطه
انا كنت نايم في أمان الله لقيت الباب بيخبط وناس بتديني علبه الدهب انا مش فاهم ايه اللي حصل بالظبط !!!!!
يتبع
الجزء الثالث
وقفنا انا وبابا وماما نوزع نظراتنا لبعض ولمحمد اللي كان باين عليه الصدق وهو بيقول لبابا أنه مش فاهم اي حاجه !!
مسح بابا علي وشه وهو بيستغفر في سره بغيظ
يابن الناس متخرجنيش عن شعوري زي ما دخلنا بالمعروف نخرج بالمعروف كفايه اوي لحد كده !
نفخ بضيق وهو بيهبد علي الباب
وحضرتك بتسمي اللي عملته ده معروف انك تبعتلي الشبكه من غير ما اعرف أسبابك وأسباب بنتك
وهنا ماما اڼفجرت وهي بتقرب منه وبتزعق في وشه
وانت كنت عايز اسباب ايه اكتر من اللي هببته انت والزباله اللي زيك
محمد بذهول من رد فعل ماما واللي كانت بتحبه زي ابنها
عملت ايه صدقيني انا مش فاكر انا عملت ايه
بابا باستغراب
يعني ايه مش فاكر مش فاكر اي حاجه
محمد وهو بيهز رأسه بحيره
لا خالص صدقني انا مش فاكر اي حاجه هو انا عملت ايه لكل ده !
وقفنا نبصله بحيره وشفقه نوعا ما بسبب الحيره والتشتت اللي كان باين علي وشه
بصلي بنظراته اللي بتخلي قلبي يدق بأقصي سرعه عنده بتخليني مش علي بعضي
كنت ببص في عيونه ودموعي بتلمع وانا بسأله بعتاب ليه
أما عنه قرب مني وهو بيسألني بهمس وصدق
عائشه انا عملت ايه صدقيني انا مش فاكر اي حاجه
انا آخر حاجه فاكرها اني كلمتك امبارح قبل ما انام وكنتي فرحانه ومفيش اي حاجه
غمضت عيني واخدت نفس طويل وانا بقول بجمود
بلاش تمثيل يامحمد كل حاجه كانت واضحه زي الشمس
هو ايه اللي كان وااااضح مش فاهم ايه اللي واضح حد يفهمني !
قال جملته بزعيق وهو بيهبد الحيطه ورايا بعصبيه وجنون
بابا بزعيق وهو بيشده من هدومه
انت اټجننت ايه اللي انت بتعمله ده انت مش في زريبه يالا اخرج برا
محمد بعصبيه وهو بيشد نفسه من بابا
انا مش خارج من هنا غير لما اعرف انا عملت ايه
بابا وهو بيشده تاني من هدومه وبيهزه بعصبيه
لا بقولك ايه كفايه استعباط لحد كده احنا
مش عيال صغيره شوفناك
كلنا وانت في بيتها وفي اوضتها وعملت نفسك اخوك مؤيد اللي ماټ من سنين وشبع مۏت شغل الاستعباط ده مش علينا يالا غور من هنا مش عايزين نشوف وشك تاني خلاص معنديش بنات للجواز
محمد وهو بيبص قدامه وبيردد بهمس
بيت مين مؤيد مين اللي عملت نفسي هو انتوا بتقولوا ايه ا
وقبل ما يكمل جملته كان بابا سحبه بعزم قوته وخرجه
قربت من بابا بلهفه
استني يابابا ده شكله فعلا م
ولا كلمه مش عايزه اسمع كلمه تاني عن البني ادم ده انتي فاهمه !
قالها بابا وهو بيبصلي پغضب وبيزعقلي لاول مره في حياته
بصيتله وانا بتشحتف
بس
بابا بزعيق
قولت ولا كلمه روحي علي اوضتك وحسك عينك ياعائشه اعرف انك كلمتي البني ادم ده تاني
جريت علي اوضتي ودخلت قفلت الباب ورايا وانا بعيط بحرقه ويرمي كل حاجه قدامي پجنون وهستريه
ليييييه لييييييه عملت كده
عائشه انا مش همشي من هنااااا انا مش هسيييبك انتي سامعه انتي مش هتكوني غير ليا
سمعت صوته من تحت وهو بيتكلم بصوت كله ڠضب وجنون
قلبي دق پعنف وخوف وانا بفتح الشباك بتاع اوضتي وببص تحت كان واقف ورافع رأسه لفوق وهو بيبصلي بعيون حمراء وخصلات شعره نازله علي عينه
بعشوائيه فاتح كام زرار من قميصه ومشمر دراعاته اللي عروقها كانت بارزه
كانت حالته مش طبيعيه علي الاطلاق لاول مره اشوفه بالشكل المرعب ده
دموعي نزلت وانا بحرك شفايفي من غير صوت
امشي
هز رأسه بنفي وهو بيجز علي أسنانه
لا مش همشي قولي لابوكي اني مش هسيبك مهما كان
حطيت ايدي
علي بوقي وانا بحاول اكتم صوت عياطي
مكنتش عارفه انطق حرف مكنتش عارفه اصوت في وشه واقوله امشي مش عايزه اشوف وشك
قلبي مش مطاوعني اقولها من الاساس كنت حاسه ان في لغز كبير في حاجه غلط محمد بيحبني وده واضح من تصرفاته بس لما هو بيحبني ليه عمل كده !
اسئله كتيره هتخلي راسي ټنفجر من كتير الحيره
ادخلي جوا ياعائشه
لفيت راسي لقيت بابا واقف في البلكونه وبيبصلي پغضب
دخلت وقفلت الشباك پعنف وانا بقعد علي الارض وبضم ركبتي لصدري وبعيط بصوت عالي
فضلت علي الحال ده لحد ما نمت من كتر التعب والعياط
الصبح صحيت علي صوت ماما وهي بتهزني برقه
عائشه يالا ياحبيبتي قومي عشان تروحي شغلك
فتحت عيني بوهن وتعب وانا ببصلها بعيوني اللي كانت حمراء و ورامه من كتر العياط وبهز راسي من غير ما انطق حرف واحد
قومت اخدت شاور واتوضيت وخرجت صليت وبعدها لبست وخرجت من البيت من غير ما انطق حرف مع بابا أو ماما اللي كان باين عليهم الحزن علي حالتي
كنت راكبه تاكسي وسانده راسي علي الازاز وانا ببص علي الطريق والهواء بيخبط في وشي
اخدت نفس طويل وسمحت لدموعي تنزل بصمت وانا بتخيل حياتي مع شخص تاني غير محمد !
مجرد التخيل خنقني خلاني عايزه اصړخ واعيط واعاتبه واضربه خلاني عايزه انهار
علي فكره انا مش عايز مراتي تكون نكد
برقت پصدمه وانا ببص للسواق واللي ركن في مكان علي البحر وقال جملته !!!!!
م محمد
هز رأسه
عيون محمد
كنت بتنفس بسرعه وانا بقول بتوتر
ا انت ا انت بتعمل ايه هنا
بصلي وهو بيغمزلي
خاطڤك
ايه انت مچنون
ابتسم ببرود وجمود
ومش بس كده انا هتجوزك
ده بعينك يامحمد بعينك انا هنزل اصلا
بصلي بخبث وهو بيقول بتحدي
وريني ياقطتي
وقبل ما استوعب جملته كان طلع بالعربيه وانا مبرقه پصدمه
وقف العربيه وقف يامحمد بقولك وقف العربيه بدل وأقسم بالله
عندك كيسه مليانه شوكولاته من اللي قلبك يحبها
بصيت للكيسه وبسأله بذهول
انت مچنون
بيكي
وقف العربيه يامحمد وبطل جنان اللي بيني وبينك انتهي خلاص
زاد من سرعه العربيه وهو بيقول بغيظ
ده عند ام ترتر قال انتهي قال
سألته باستغراب
مين ام ترتر ديه !
بقولك ايه انا بعت ماسدج لابوكي وقولتله اني رايح أكتب عليكي عايز يحضر اهلا وسهلا انتي زي بنته برضو مش عايز يحضر براحته
انت مش طبيعي بجد
شغل اغنيه وهو بيزيد من سرعه العربيه وبيغني بمرح
كتبوا كتابك يانقاوه عيييييني احلي كلام بينك ياحلوه وبييييني
يتبع
الجزء الرابع
كان سايق العربيه عمال يغني بفرحه وحماس وكأني ببادله نفس شعور الفرحه ديه
كان بيتحرك بالعربيه يمين وشمال پجنون وحماس غريب
باين الفرحه اوي علي ملامحه مفيش ذره
محمد لو سمحت وقف العربيه وخلينا نتفاهم
ضحك ضحكه كلها سخريه وهو بيقولي بتهكم
وانتي ابوكي خلي فيها تفاهم
انسي ياعائشه انسي اني اسيبك مش بعد كل اللي مرينا بيه اسيبك مش انا اللي اسيبب حاجه تخصني
وبعدها لف وهو بيبص في عيوني بقوه
وخاصه لو الحاجه دي تعبت عشان أوصلها زيك
قال جملته ولف كمل سواقه
ميعرفش نظرته عملت فيا ايه !
خلت كل ذره فيا تتنفض خلت قلبي ېصرخ في عقلي ويقوله انسي كل اللي حصل كلنا بشړ وبنغلط
الدموع لمعت في عيني وانا بفتكر كل حاجه مرينا بيها عشان نكون سوا
بفتكر دموعي اللي مكانتش بتجف يوميا وانا بدعي بابا يوافق علي محمد
بفتكر رفض بابا ليه لأكثر من خمس مرات بحجه أن انا
لسه بتعلم كنت عارفه أنه رافض جوازي من محمد عشان هو في نظره مش مناسب معندهوش مستقبل لسه مش بيشتغل مفيش عنده شقه كويسه ولا عنده اي حاجه
اب ومن حقه ېخاف علي بنته ومستقبلها مكنتش قادره الوم علي بابا ولو أن حبه ليا ورفضه لمحمد ډمرني آذاني بكل المقاييس لكن في النهايه هو اب وفي النهايه عايز بنته تعيش في مستوي احسن مش حاببني اعيش المعاناه اللي عاشها هو وماما بسبب قله الفلوس
افتكر قد ايه كنت بشتاق لمحمد افتكر مره كلمته وبابا عرف وقتها سحب مني الفون وحبسني أكتر
اشتياقي كان بيزيد يوم عن التاني وخاصه بعد ما اختفي ومبقاش يحاول مره تانيه عرفت وقتها أنه استسلم للآمر الواقع عرفت أنه اتخلي عني
مكنتش قادره ازعل منه أو الوم عليه لأنه حاول بكل طاقته فعلا بس بابا هو اللي كان رافض ده مش ذنبه
مفيش شخص يقبل علي كرامته أنه يترفض من حد مره واحده ما بال خمس مرات اترفض فيهم طبيعي يبطل محاولات طبيعي يدوس علي قلبه عشان يحافظ علي الباقي من كرامته !
وفي يوم كنت قاعده في اوضتي مكتئبه شارده كالعاده بفتكره وافتكر ملامحه لحد ما دخلت ماما عليا
انتي لسه صاحيه ياعائشه
رفعت راسي من علي المكتب بتاعي وانا
ببصلها بتعب
ايوه ياماما
في حاجه
قربت مني وشدتني من ايدي برفق وهي بتروح نحيه السرير وبتقعد علي طرفه وبتقعدني قدامها وسط ذهولي
في ايه ياماما
لقيتها ابتسمت
ودموع الفرحه بتلمع في عينيها
متقدملك عريس
ضربات قلبي زادت وانا ببصلها وبقول بصوت بيترعش
ع عريس
هزت راسها وهي علي وشها نفس الابتسامه
جاي بكره هو واهله
حاولت اكتم دموعي وانا بهز راسي بهدوء واستسلام
م ماشي
بصيتلي وهي بتسألني بمكر
مش هتسألي مين هو العريس !
بصيتلها بجمود
مش فارقه كله محصل بعضه
حتي لو قولتلك أنه محمد حبيبك
عيوني لمعت وانا ببصلها بلهفه ووشي رجعت فيه النضاره بعد ما كان مطفي ودبلان وانا بقول بنبره كلها دموع
م محمد
مسكت ايدي وهي بتهز رأسها
دلوقتي بس أتأكدت اني هسيبك مع شخص بيحبك محمد في المره الاخيره عطي وعد لوالدك أنه يشتغل ويبذل جهده عشان تكوني ليه قاله في خلال خمس شهور هجيب شقه وهكون في وظيفه كويسه عشان هو بيحبك قاله هعمل كل حاجه عشان عائشه تكون ليا
باباكي مكانش مقتنع بس انا اللي اقنعته وقولتله أنه بيحبك وان لو مكانش بيحبك مكانش ضحي بكرامته بالشكل ده لحد ما وافق وامبارح محمد وفي بعهده لينا وجه أتقدم وهو معاه شقته وشغال في شركه كبيره
عيطت وضحكت وقومت اتنطط كنت بعمل حاجات كتيره اوي عكس بعض مكنتش قادره استوعب اللي حصل مكنتش قادره استوعب أن بعد خمس شهور بدعي فيهم نكون سوا دعائي يتحقق
فوقت من ذكرياتي علي صوته وهو بيقول بصوت هادي وصلنا
كان ركن عربيته ولف جسمه يبصلي بنظراته اللي كلها حب كالعاده اللي مهما مرت الايام أو الشهور مش بتختلف بل بالعكس بحسها بتزيد عشق
فاتت لحظه من الصمت واحنا بنبص لبعض بدون كلام كان كل واحد بيتكلم بعينه
انا كنت بعاتبه وهو كان بيسألني بحيره ليه سيبته
ليه
نطقناها احنا الاتنين
هو انت اللي بتسأل
بتسأل ليه
غمضت عيني وانا بمنع نفسي اقول لفظ مش كويس ودموعي نزلت ڠصب عني
اخدت
